ഇന്ദ്രജിത്ത് സുകുമാരനെ കേന്ദ്ര കഥാപാത്രമാക്കി ബിബിൻ പോൾ സാമുവൽ സംവിധാനം ചെയ്യുന്ന 'ആഹാ' ഈ നവംബർ 26ന് തിയ്യേറ്ററുകളിൽ റിലീസ് ചെയ്യും. ഈ മാസം 25 മുതൽ തിയേറ്ററുകൾ തുറക്കാമെന്ന സർക്കാർ തീരുമാനത്തെ തുടർന്നാണിത്.
സാസ പ്രൊഡക്ഷൻസിന്റെ ബാനറിൽ പ്രേം എബ്രഹാം നിർമിക്കുന്ന ഈ ചിത്രത്തിൽ ശാന്തി ബാലചന്ദ്രൻ നായികാ കഥാപാത്രത്തെ അവതരിപ്പിക്കുന്നു.
കേരളത്തിലെ പ്രശസ്തമായ വടംവലി ടീമുകളുടെ മത്സര വടംവലികളുടെ പശ്ചാത്തലത്തിലാണ് സിനിമ.
അമിത് ചക്കാലക്കൽ, അശ്വിൻ കുമാർ, മനോജ് കെ ജയൻ, സിദ്ധാർത്ഥ് ശിവ, ജയശങ്കർ കാരിമുട്ടം തുടങ്ങിയവരും അഭിനയിക്കുന്നു.
തിരക്കഥയും സംഭാഷണവും ടോബിത് ചിറയത് എഴുതുന്നു. ബോളിവുഡിലും മറ്റും നിരവധി ചിത്രങ്ങളുടെ ഭാഗമായ രാഹുൽ ബാലചന്ദ്രൻ ഛായാഗ്രഹണം നിർവ്വഹിച്ചിരിക്കുന്നു.
സയനോര ഫിലിപ്പ് ആണ് സംഗീത സംവിധാനം.
സംവിധായകൻ ബിബിൻ പോൾ സാമുവൽ തന്നെയാണ് 'ആഹാ'യുടെ എഡിറ്റർ.
Comments