വിജയ് സേതുപതി, നിത്യ മേനന്‍ എന്നിവരെ പ്രധാന കഥാപാത്രങ്ങളാക്കി നവാഗതയായ ഇന്ദു വി.എസ് സംവിധാനം ചെയ്യുന്ന '19(1)(a)' എന്ന ചിത്രത്തിന്റെ ടീസര്‍ റിലീസ് ചെയ്തു. 58 സെക്കന്റുകള്‍ ദൈര്‍ഘ്യമുള്ള ടീസറാണ് ഡിസ്നി പ്ലസ് ഹോട്ട്സ്റ്റാര് മലയാളം പുറത്തുവിട്ടിരിക്കുന്നത്.
വിജയ് സേതുപതി ആദ്യമായി നായകനായി എത്തുന്ന മലയാളം ചിത്രം എന്ന പ്രത്യേകതയും ഇതിനുണ്ട്. ഇന്ദ്രജിത്, ഇന്ദ്രന്‍സ്, അതുല്യ ആഷാഢം, ശ്രീകാന്ത് മുരളി എന്നിവരും ചിത്രത്തിലെ മറ്റു പ്രധാന വേഷങ്ങളില്‍ എത്തുന്നു. ചിത്രത്തിന്റെ തിരക്കഥ എഴുതിയിരിക്കുന്നതും സംവിധായിക ഇന്ദു വി.എസ് തന്നെയാണ്.
ചിത്രം ഡിസ്നി പ്ലസ് ഹോട്ട്സ്റ്റാര് വഴിയാണ് റിലീസ് ചെയ്യുന്നത്. റിലീസ് തീയതി നിലവില്‍ അണിയറ പ്രവര്‍ത്തകര്‍ പുറത്തുവിട്ടിട്ടില്ല. ആന്റോ ജോസഫാണ് ചിത്രം നിര്‍മിക്കുന്നത്. ഗോവിന്ദ് വസന്തയാണ് സംഗീത സംവിധാനം നിര്‍വഹിച്ചിരിക്കുന്നത്. മനേഷ് മാധവനാണ് ഛായാഗ്രഹണം.
Comments