തമിഴ് നടൻ വിജയ്യുടെ അറുപത്തിയാറാമത് ചിത്രം, സംവിധാനം ചെയുന്നത് 'മഹർഷി' എന്ന തെലുങ്ക് ചിത്രത്തിലൂടെ ശ്രദ്ധേയനായ വംഷി പൈഡിപള്ളിയാണ്‌. ശ്രീ വെങ്കടേശ്വര ക്രിയേഷന്‍സിന്‍റെ ബാനറില്‍ ദില്‍ രാജുവും ശിരീഷും ചേര്‍ന്നാണ് നിര്‍മാണം. ഇവരുടെ ആദ്യ തമിഴ് ചിത്രമാണിത്.
മികച്ച ജനപ്രിയ ചിത്രത്തിനുള്ള 2019ലെ ദേശീയ ചലച്ചിത്ര അവാര്‍ഡ് നേടിയ സംവിധായകനാണ് വംഷി പൈഡിപള്ളി. തമിഴിൽ കാർത്തിയെ നായകനാക്കി 'തോഴ' എന്ന ചിത്രവും വംഷി സംവിധാനം ചെയ്തിട്ടുണ്ട്. സംവിധായകൻ രാജു മുരുഗൻ ആണ് 'ദളപതി 66' ന് തിരക്കഥ ഒരുക്കുന്നത്.
സംഗീത സംവിധാനം തമൻ നിർവ്വഹിക്കും. ബിഗ് ബഡ്ജറ്റിൽ ഒരുങ്ങുന്ന ചിത്രത്തിനായി സൗത്ത് ഇന്ത്യയിലെ ഏറ്റവും വലിയ പ്രതിഫലമാണ് വിജയ് വാങ്ങുന്നതെന്നാണ് റിപ്പോര്‍ട്ട്.
നെല്‍സണ്‍ ദിലീപ്‍കുമാര്‍ സംവിധാനം ചെയ്യുന്ന ചിത്രം 'ബീസ്റ്റ്'ൽ ആണ് വിജയ് ഇപ്പോൾ അഭിനയിക്കുന്നത്.
Comments