ഷെയ്ന്‍ നിഗവും രേവതിയും കേന്ദ്ര കഥാപാത്രങ്ങളാകുന്ന സിനിമയാണ് ‘ഭൂതകാലം’.
അൻവർ റഷീദ് ആണ് ഈ ത്രില്ലർ ചിത്രം അവതരിപ്പിക്കുന്നത്. രാഹുല്‍ സദാശിവന്‍ കഥയെഴുതി സംവിധാനം ചെയ്യുന്ന ചിത്രത്തിലെ പാട്ടുകൾ എഴുതി സംഗീത സംവിധാനം നിർവ്വഹിക്കുന്നത് ഷെയ്ൻ നിഗം തന്നെയാണ്.
Plan T ഫിലിംസിന്റെയും, ഷെയ്ന്‍ നിഗം ഫിലിംസിന്റെയും ബാനറില്‍ തെരേസ റാണി, സുനില ഹബീബ് എന്നിവര്‍ ചേര്‍ന്നാണ് ‘ഭൂതകാലം’ നിർമിക്കുന്നത്.
ഷെയ്ന്‍ നിഗം ആദ്യമായി ചലച്ചിത്ര നിർമാണത്തിലേക്ക് വരുന്ന ചിത്രമാണ് 'ഭൂതകാലം'.
രാഹുല്‍ സദാശിവനൊപ്പം ശ്രീകുമാര്‍ ശ്രേയസും തിരക്കഥാ രചനയിൽ പങ്കാളിയാണ്. ഗോപി സുന്ദര്‍ ആണ് പശ്ചാത്തല സംഗീതം
ഒരുക്കിയിരിക്കുന്നത്. ഷഫീഖ് മുഹമ്മദ് അലി എഡിറ്റിങ്ങും ഷെഹ്നാദ് ജലാല്‍ ഛായാഗ്രഹണവും നിർവഹിക്കുന്നു. കൊച്ചിയിലും വാഗമണിലുമായാണ് ഭൂതകാലം ചിത്രീകരിച്ചിരിക്കുന്നത്.
Comentarios