നമ്പി നാരായണന്റെ ജീവചരിത്രം; 'റോക്കറ്റ്രി ദ നമ്പി എഫക്റ്റ്' ഏപ്രിൽ ഒന്നിന്

ശാസ്ത്രജ്ഞൻ നമ്പി നാരായണന്റെ ജീവിതം ദൃശ്യവത്ക്കരിക്കുന്ന ബഹുഭാഷാ ചിത്രം 'Rocketry - The Nambi Effect' ഏപ്രിൽ ഒന്നിന് ലോകമെമ്പാടും തീയ്യേറ്റർ റിലീസ് ചെയ്യാനുള്ള തീരുമാനത്തിലാണ്. നടൻ ആർ മാധവൻ സംവിധാനം ചെയ്യുന്ന ഈ ചിത്രത്തിൽ മാധവൻ തന്നെയാണ് നമ്പി നാരായണനായി എത്തുന്നത്.

ക്യാപ്റ്റൻ, വെള്ളം എന്നീ മലയാള സിനിമകളുടെ സംവിധായകൻ പ്രജേഷ് സെൻ ഈ ചിത്രത്തിന്റെ കോ - ഡയറക്ടറാണ്. അദ്ദേഹത്തിന്റെ 'ഓർമകളുടെ ഭ്രമണപഥം' എന്ന പുസ്തകവും സിനിമക്ക് അവലംബമായിട്ടുണ്ട്.

മലയാളത്തിനു പുറമെ തമിഴ്, ഹിന്ദി, ഇംഗ്ലീഷ്, തെലുങ്ക്, കന്നഡ തുടങ്ങിയ ഭാഷകളിലും റിലീസ് ചെയ്യുന്ന ഈ ചിത്രത്തിൽ ഷാരൂഖ് ഖാൻ, സൂര്യ, സിമ്രാൻ എന്നിവരും ഹോളിവുഡിൽ നിന്നും ടൈറ്റാനിക് ഫെയിം റോൺ ഡൊണാച്ചിയുമടക്കം അഭിനയിച്ചിട്ടുണ്ട്. വിദേശ ഭാഷകളിലും ചിത്രം റിലീസ് ചെയ്യുന്നുണ്ട്.

മാധവനൊപ്പം മലയാളിയായ വർഗ്ഗീസ് മൂലന്റെ യും വിജയ് മൂലന്റെയും കമ്പനിയായ വർഗ്ഗീസ് മൂലൻ പിക്ച്ചേഴ്സ് ആണ് ഈ ചിത്രത്തിന്റെ നിർമാതാക്കൾ. വാർത്ത പ്രചരണം: എ എസ് ദിനേശ്, ശബരി.