മമ്മുട്ടിയും പാർവതി തിരുവോത്തും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം 'പുഴു'വിന്റെ ട്രെയ്ലർ പുറത്തിറങ്ങി. പ്രേക്ഷകരിൽ ഏറെ നിഗൂഢതയും ആകാംക്ഷയും നിറച്ചാണ് ട്രെയ്ലർ റിലീസ് ചെയ്തിരിക്കുന്നത്.
നേരത്തെ ടീസർ പുറത്തിറങ്ങിയപ്പോൾ ടോക്സിക് പേരെന്റ് ആയാണ് മമ്മൂട്ടി സിനിമയിൽ എത്തുന്നതെന്ന് അഭ്യൂഹങ്ങൾ ഉണ്ടായിരുന്നു. അത് ഉറപ്പിക്കുന്ന തരത്തിലാണ് ട്രെയ്ലർ.
നവാഗതയായ റത്തീന ഷർഷാദ് ആണ് ചിത്രം സംവിധാനം ചെയ്തിരിക്കുന്നത്. 'ഉണ്ട' എന്ന ചിത്രത്തിന് ശേഷം ഫർഹാദ് കഥയെഴുതുന്ന ചിത്രമാണ് 'പുഴു'. ഷറഫു, സുഹാസ് കൂട്ടുകെട്ടാണ് തിരക്കഥയൊരുക്കുന്നത്. തേനി ഈശ്വർ ഛായാഗ്രഹണവും ജേക്ക്സ് ബിജോയ്‌ സംഗീത സംവിധാനവും നിർവഹിക്കുന്നു.
സിൻ സിൽ സെല്ലുലോയ്‌ഡിന്റെ ബാനറിൽ എസ് ജോർജ് ആണ് ചിത്രത്തിന്റെ നിർമാണം. നെടുമുടി വേണു, ഇന്ദ്രൻസ്,
മാളവിക മേനോൻ തുടങ്ങിയവരും ചിത്രത്തിലുണ്ട്.
Comments