ശസ്ത്രക്രിയ വിജയകരം; ആരാധകർക്ക് നന്ദി അറിയിച്ച് പ്രകാശ് രാജ്

ഇടതു തോളിന് പരിക്ക് പറ്റിയതിനെ തുടർന്ന് ചൊവ്വാഴ്ച ആശുപത്രിയിൽ പ്രവേശിപ്പിച്ച നടൻ പ്രകാശ് രാജിന്റെ ഒടിവ് പരിഹരിക്കാൻ ശസ്ത്രക്രിയ നടത്തി. തന്റെ ആരോഗ്യനില മെച്ചമാണെന്നും ഉടൻ തന്നെ തിരിച്ചു വരുമെന്നും ആശുപത്രി കിടക്കയിൽ നിന്ന് ഒരു ചിത്രം പോസ്റ്റ് ചെയ്തുകൊണ്ട് അദ്ദേഹം ട്വീറ്റ്‌ ചെയ്തു.

"The devil is back… successful surgery.. thank you dear friend Dr #guruvareddy and thank you all for your love n prayers.. back in action soon" എന്നായിരുന്നു അദ്ദേഹം ട്വിറ്ററിൽ കുറിച്ചത്.

ചൊവ്വാഴ്ച, നടന് വീഴ്ചയുണ്ടായതിനെത്തുടർന്ന് ചെറിയ ഒടിവ് സംഭവിക്കുകയും അതിനെ തുടർന്ന് ഹൈദരാബാദിലെ ആശുപത്രിയിൽ പ്രവേശിപ്പിക്കുകയും ചെയ്യുകയായിരുന്നു.

വിവിധ ഭാഷകകളിലായി നിരവധി ചിത്രങ്ങളിൽ അഭിനയിച്ച പ്രകാശ് രാജ് മലയാളികൾക്കും ഏറെ പ്രിയങ്കരനാണ്. തമിഴ് ആന്തോളജിയായ 'നവരസ' യാണ് ഏറ്റവും ഒടുവിൽ ഇറങ്ങിയ പ്രകാശ് രാജ് ചിത്രം. കമൽ കെ എം സംവിധാനം ചെയ്ത 'പട' യാണ് പ്രകാശ് രജിന്റെതായി ഇറങ്ങുന്ന അടുത്ത മലയാളചിത്രം.