ലോകത്ത് ചുരുങ്ങിയ കാലയളവിൽ നിരവധി ആരാധകരെ നേടിയെടുത്ത ഫ്രാഞ്ചൈസികളിൽ ഒന്നാണ് സ്പാനിഷ് സീരീസായ മണി ഹെയ്‌സ്റ്റ്. റോബറി ത്രില്ലര്‍ ഗണത്തിൽ ഉൾപ്പെടുന്ന കഥ പശ്ചാലമുള്ള 'ലാ കാസ ഡേ പാപ്പല്‍' എന്ന മണി ഹെയ്‌സ്റ്റ് ഇതിനോടകം 4 സീസണുകളാണ് നെറ്റ്ഫ്ലിക്സ് വഴി സ്ട്രീം ചെയ്തത്.
ലോകത്ത് ഏറ്റവും കൂടുതൽ ആളുകൾ കണ്ടിട്ടുള്ള നോൺ ഇംഗ്ലീഷ് സീരീസും മണി ഹെയ്‌സ്റ്റ് തന്നെയാണ്. അന്വേഷണ ഉദ്യോഗസ്ഥയായ അലീസിയ സിയേറ പ്രൊഫസറുടെ ഒളിത്താവളം കണ്ടെത്തി അദ്ദേഹത്തിന് നേരേ തോക്ക് ചൂണ്ടി നില്‍ക്കുന്നതോടെയാണ് നാലാമത്തെ സീസണ്‍ അവസാനിച്ചത്.
തുടർന്ന് എന്തായിരിക്കും സംഭവിക്കുക എന്നറിയാനുള്ള ആരാധകരുടെ കാത്തിരിപ്പ് തുടങ്ങിയിട്ട് ഒരു വർഷത്തോളമായി . ഇപ്പോഴിതാ സീസൺ 5 ന്റെ ട്രൈലെർ പുറത്ത് വിട്ടിരിക്കുകയാണ് നെറ്റ്ഫ്ലിക്സ്. സസ്‌പെൻസും ത്രില്ലറും ആക്ഷനും എല്ലാം കോർത്തിണക്കി ആരാധകരെ ആവേശത്തിലാഴ്ത്തുന്ന ട്രൈലെർ തന്നെയാണ് പുറത്ത് വന്നിരിക്കുന്നത്.
അഞ്ച് എപ്പിസോഡുകള്‍ വീതമുള്ള രണ്ട് ഭാഗങ്ങളായാണ് സീസണ്‍ 5 പ്രേക്ഷകരിലേക്ക് എത്തുക. ആദ്യഭാഗം സെപ്റ്റംബര്‍ ഒന്നിനും രണ്ടാംഭാഗം ഡിസംബര്‍ 3നും എത്തുന്നതോടെ ഈ സീരീസ് അവസാനിക്കുമെന്നും അറിയിച്ചിരുന്നു. ഒരു വർഷത്തോളമെടുത്ത് കൃത്യമായ പ്ലാനിങ്ങോടുകൂടിയാണ് മണി ഹെയ്‌സ്റ്റ് സീസൺ 5 പൂർത്തിയാക്കിയത്.
Comments