ബ്രഹ്മാണ്‌ഡ സിനിമ KGF ന്റെ രണ്ടാം ഭാഗം 2022 ഏപ്രിൽ 14 ന് തിയേറ്ററുകളിൽ റിലീസ് ചെയ്യാൻ തയ്യാറെടുക്കുന്നു. ചിത്രത്തിലെ പ്രധാന കഥാപാത്രം റോക്കി ഭായ് ആയി എത്തുന്ന യാഷ് തന്റെ ട്വിറ്റർ പേജിലൂടെയാണ് റിലീസ് തീയതി പ്രഖ്യാപിച്ചത്.
പ്രശാന്ത് നീൽ സംവിധാനം ചെയുന്ന ചിത്രത്തിൽ ബോളിവുഡ് നടൻ സഞ്ജയ്‌ ദത്ത് ഒരു കേന്ദ്രകഥാപാത്രത്തെ അവതരിപ്പിക്കുന്നു. സഞ്ജയ്‌ ദത്തിന്റെ ആദ്യത്തെ തെലുങ്ക് സിനിമയാണ് KGF 2. സഞ്ജയ്‌ക്ക് പുറമെ രവീണ ടണ്ടൻ, ശ്രീനിധി ഷെട്ടി, പ്രകാശ് രാജ്, മാളവിക അവിനാശ് തുടങ്ങിയർ മുഖ്യ വേഷങ്ങളിൽ എത്തുന്നുണ്ട്.
2020 ഒക്ടോബർ 23 നും, 2021 ജൂലൈ 16നും റിലീസ് തീരുമാനിച്ചിരുന്നുവെങ്കിലും കോവിഡിനെ തുടർന്ന് മാറ്റിവെക്കേണ്ടി വരികയായിരുന്നു. KGF 2 റിലീസ് ദിവസം ദേശീയ അവധി പ്രഖ്യാപിക്കണം എന്ന് ആവശ്യപ്പെട്ടുകൊണ്ട് ഒരു കൂട്ടം ചെറുപ്പക്കാർ പ്രധാനമന്ത്രിക്ക് കത്തയച്ചത് ശ്രദ്ധേയമായിരുന്നു. പ്രേക്ഷകർക്കിടയിൽ അത്രത്തോളം സ്വീകാര്യത ലഭിച്ചിരുന്നു KGF ന്റെ ആദ്യ പതിപ്പിന്.
കന്നഡ, തമിഴ്, തെലുങ്ക്, മലയാളം, ഹിന്ദി എന്നീ ഭാഷകളിലാണ് ചിത്രം റിലീസ് ചെയ്യുന്നത്. ചിത്രത്തിന്റെ സൗത്ത് ഇന്ത്യൻ സാറ്റലൈറ്റ് റൈറ്റ്സ് ZEE ഗ്രൂപ്പിന് ലഭിച്ചു എന്നാണ് റിപ്പോർട്ടുകൾ. മലയാളത്തിലെ ഡിസ്ട്രിബൂഷൻ പൃഥ്വിരാജ് പ്രോഡക്ഷൻസ് ആണ് ഏറ്റെടുത്തിരിക്കുന്നത്.
Comments