കമല്‍ഹാസന്‍, വിജയ് സേതുപതി, ഫഹദ് ഫാസില്‍ എന്നിവര്‍ മുഖ്യ വേഷങ്ങളില്‍ എത്തിയ ലോകേഷ് കനകരാജ് ചിത്രം 'വിക്രം' നാളെ മുതല്‍ ഡിസ്‌നി ഹോട്ട്‌സ്റ്റാറില്‍ പ്രദര്‍ശനം ആരംഭിക്കും. തമിഴിനു പുറമെ മലയാളം, ഹിന്ദി, ഇംഗ്ലിഷ്, കന്നഡ, തെലുങ്ക് ഭാഷകളിലും ചിത്രം ആസ്വദിക്കാനാകും. ഒടിടി റിലീസിന് മുന്നോടിയായി പ്രത്യേക ടീസറും അണിയറപ്രവര്‍ത്തകര്‍ പുറത്തുവിട്ടിരുന്നു.
ഈ ബ്ലോക്ക്ബസ്റ്റര്‍ ചിത്രം ആഭ്യന്തര ബോക്‌സോഫീസില്‍ നിന്ന് മാത്രം 300 കോടിയും വിദേശ ബോക്‌സ്ഓഫീസില്‍ നിന്ന് 100 കോടിയിലധികവും കളക്ഷന്‍ നേടിയതായി റിപ്പോര്‍ട്ടുകള്‍ പറയുന്നു.
ഗായത്രി, വാസന്തി, കാളിദാസ് ജയറാം, നരേന്‍, സന്താനഭാരതി എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്. സംഗീത സംവിധായകന്‍ അനിരുദ്ധ് രവിചന്ദര്‍, ഛായാഗ്രാഹകന്‍ ഗിരീഷ് ഗംഗാധരന്‍, എഡിറ്റര്‍ ഫിലോമിന്‍ രാജ് എന്നിവരാണ് സാങ്കേതിക സംഘത്തിലുള്ളത്.
Comments