ഗൃഹാതുരതയുടെ കഥ പറയുന്ന മ്യൂസിക് വീഡിയോ 'മായിക' റിലീസ് ചെയ്തു. ഗായിക ജ്യോത്സ്‌ന രാധാകൃഷ്ണനും നര്‍ത്തകി ദീപ്തി വിധുപ്രതാപുമാണ് വീഡിയോയില്‍ അഭിനയിച്ചിരിക്കുന്നത്. ജ്യോത്സ്‌നയുടെ പാട്ടും ദീപ്തിയുടെ ചുവടുകളും 'മായിക'യെ കൂടുതല്‍ മനോഹരമാക്കുന്നു.
ഗിരീഷ് കുമാര്‍ ഈണം നല്‍കിയ വീഡിയോ, സംഗീതത്തിലൂടെയാണ് കഥ പറയുന്നത്. ഫാന്റസിയും മാജിക്കല്‍ റിയലിസവും ചേര്‍ന്ന് ചിത്രീകരിച്ച വീഡിയോയില്‍ ജ്യോത്സ്‌നയുടെ കഥാപാത്രം ദീപ്തിയുടെ കഥാപാത്രത്തെ തന്റെ മുത്തശ്ശി ജീവിച്ചിരുന്ന തറവാട്ടിലേക്ക് കൂട്ടിക്കൊണ്ടു പോകുന്നത് കാണാം.
സുമേഷ് ലാല്‍ സംവിധാനം ചെയ്ത 'മായിക' യുടെ നൃത്തസംവിധാനം അബ്ബാദ് റാം മോഹന്‍. മഹേഷ് എസ്.ആര്‍, അനീഷ് ചന്ദ്രന്‍ എന്നിവര്‍ ഛായാഗ്രഹണം നിര്‍വഹിച്ചിരിക്കുന്നു. ആൽബി നടരാജ് എഡിറ്റിങ്ങും അരുൺ കൈലാസ് വിഎഫ്എക്സും കൈകാര്യം ചെയ്തിരിക്കുന്നു. Jyotsna Official എന്ന യൂട്യൂബ് ചാനലിൽ 'മായിക' കാണാം.
Comentarios