പ്രണവ് മോഹൻലാലിനെയും കല്യാണി പ്രിയദർശനെയും കേന്ദ്ര കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്യുന്ന സിനിമയാണ് ഹൃദയം. കാസ്റ്റിംഗിലും ഫസ്റ്റ് ലുക്കിലുമൊക്കെ ഒരു 'വിനീത് ശ്രീനിവാസൻ പ്രണയ കഥ' യുടെ സൂചനകളുള്ള ചിത്രത്തിൽ 15 പാട്ടുകളുണ്ട്. എല്ലാ പാട്ടുകളും സിനിമയിൽ വരുന്നുണ്ടോ എന്ന കാര്യത്തിൽ വ്യക്തതയില്ലെങ്കിലും ട്രാക്ക് ലിസ്റ്റ് അവതരിപ്പിച്ചിരിക്കുകയാണ് വിനീത്.
ഹെഷാം അബ്ദുൾ വഹാബ് ഈണമിടുന്ന പാട്ടുകളിലൊന്ന് പാടുന്നത് നടൻ പൃഥ്വിരാജാണ്. കൈതപ്രത്തിന്റേതാണ് വരികൾ. കെ എസ് ചിത്ര, ഉണ്ണി മേനോൻ, ജോബ് കുര്യൻ, ഭദ്ര രജിൻ, ശ്രീനിവാസ്, സച്ചിൻ ബാലു, അരവിന്ദ് വേണുഗോപാൽ, സച്ചിൻ വാര്യർ, ശ്വേത അശോക്, മേഘ ജോസ്കുട്ടി എന്നിവർക്കൊപ്പം വിനീതിന്റെ ഭാര്യ ദിവ്യയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്ന ദർശന രാജേന്ദ്രനും പാടുന്നുണ്ട്.
വിനീതും സംഗീത സംവിധായകൻ ഹെഷാമും പാട്ടുകാരിൽപ്പെടുന്നു. രണ്ട് ത്യാഗരാജ കൃതികളാണ് അരവിന്ദ് വേണുഗോപാൽ ആലപിച്ചത്. കൈതപ്രത്തിനൊപ്പം ഗായകൻ അരുൺ ആലാട്ടും വരികൾ എഴുതിയിട്ടുണ്ട്.
Comments