ഫഹദ് ഫാസിലിനെ നായകനാക്കി സത്യന്‍ അന്തിക്കാടിന്റെ മകന്‍ അഖില്‍ സത്യന്‍ സംവിധാനം ചെയ്യുന്ന 'പാച്ചുവും അത്ഭുതവിളക്കും' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. കൈയില്‍ ബാഗും സഞ്ചികളുമായി നടന്നുപോകുന്ന ഫഹദിനെയാണ് പോസ്റ്ററില്‍ കാണാനാകുന്നത്. ചിത്രത്തിന്റെ കഥയും തിരക്കഥയും ഒരുക്കുന്നത് അഖില്‍ തന്നെയാണ്.
അഖിലിന്റെ ഇരട്ട സഹോദരനായ അനൂപ് സത്യന്‍ സംവിധാനം ചെയ്ത 'വരനെ ആവശ്യമുണ്ട്' എന്ന ചിത്രം പ്രേക്ഷക ശ്രദ്ധ നേടിയിരുന്നു. ഇതിനു പിന്നാലെയാണ് അഖിലിന്റെ ചിത്രവും എത്തുന്നത്. രാജ്യാന്തര ബഹുമതികള്‍ നേടിയിട്ടുള്ള പല ഡോക്യുമെന്ററികളും മുന്‍പ് അഖില്‍ ചെയ്തിട്ടുണ്ട്. സത്യന്‍ അന്തിക്കാടിന്റെ അസോസിയേറ്റ് ഡയറക്ടർ കൂടിയായിരുന്നു അഖില്‍.
സേതു മണ്ണാര്‍ക്കാടാണ് 'പാച്ചുവും അത്ഭുതവിളക്കും' നിര്‍മാണവും വിതരണവും. തമിഴ് സംഗീത സംവിധായകന്‍ ജസ്റ്റിന്‍ പ്രഭാകറാണ് സംഗീതം. ശരണ്‍ വേലായുധന്‍ ഛായാഗ്രഹണം. ഗോവ, എറണാകുളം എന്നിവിടങ്ങളായിരുന്നു ലൊക്കേഷന്‍.
Comments